Напярэдадні 30-й гадавіны катастрофы на Чарнобыльскай АЭС трыццаць жывапісных палоцен беларускіх, украінскіх і расійскіх мастакоў былі выстаўлены ў малой зале Ельскага гарадскога Дома культуры “Колас” для прагляду наведвальнікаў.
Творы знакамітых мастакоў былі сабраны ў адзіны праект Нацыянальным цэнтрам сучасных мастацтваў і Карціннай галерэяй імя Гаўрылы Вашчанкі (Гомель) і сталі даступнымі для ельчан і гасцей горада.
Па словах Ірыны Дрыгі, першага намесніка міністра культуры Рэспублікі Беларусь, выстава проводзіцца ў рамках дабрачыннага марафону “Адраджэнне”.
