Пенсіянеркі Вольга Гаўрылаўна Трафімава і Вера Васільеўна Давыдзюк з вёскі Млынок Ельскага раёна лічаць, што выбары – гэта сапраўднае свята. І з гэтым мы пераканаліся, завітаўшы на выбарчыя ўчасткі Ельскага раёна 11 верасня бягучага года.
Ніводнай выбарчай кампаніі не прамінулі жанчыны, бо ўпэўнены, што грамадзянскі абавязак кожнага беларуса, які мае права голаса, прагаласаваць за дастойнага кандыдата. Вось і сёлета Вольга Гаўрылаўна і Вера Васільеўна прыйшлі на выбарчы ўчастак каб аддаць свой голас за кандыдата, у якого вераць, якому давяраюць і з якім звязваюць надзеі на добрае жыццё ў мірнай і незалежнай краіне.
Выбарчыя участкі 11 верасня, ў асноўны дзень выбараў ператварыліся ў сапраўдныя сервісныя цэнтры. Тут можна было не толькі прагаласаваць, але і атрымаць кансультацыі спецыялістаў раённых служб, спецыялістаў Беларусбанка, набыць смачныя прадукты харчавання і цудоўна адпачыць пад музыку самадзейных артыстаў.
