Нагрудны знак «За прапаганду бяспекі жыццядзейнасці» ўручаны Аксане Купрыенка з Ельска

Личности Новости Ельщины

Напярэдадні Дня пажарнай службы быў уручаны нагрудны знак «За прапаганду бяспекі жыццядзейнасці» загадчыцы ясляў-сада № 1 г. Ельска Аксане Купрыенка.

нагрудный-знак

Нагрудны знак Аксане Анатольеўне ўручыў Міністр па надзвычайных сітуацыях Рэспублікі Беларусь Уладзімір Вашчанка (на здымку).

– Гэта ўзнагарода не толькі мая, – прызнаецца Аксана, – але і ўсяго калектыву ясляў-сада, дзяцей і іх бацькоў, а таксама кіраўніцтва і работнікаў Ельскага раённага аддзела па надзвычайных сітуацыях, якія дапамагалі нам у рабоце па прафілактыцы бяспекі жыццядзейнасці. Больш глыбока ў гэтым накірунку мы працуем амаль два гады. А пачалося ўсё з рэспубліканскага семінара, які праходзіў у горадзе Магілёве ў 2015 годзе. Мы пераканаліся, што і ў нашым дзіцячым садку ёсць  нядрэнная база, што дзеці назапасілі шмат ведаў па гэтай тэме.  І работа  закіпела…

Да гэтай узнагароды мы ішлі дынамічна: адна перамога, другая, трэцяя… Па выніках работы ў гэтым накірунку ў нас першае месца ў Гомельскай вобласці, першае месца і Гран-пры ў рэспубліцы.

Гэта ўзнагарода для нас з’явілася прыемнай нечаканасцю і ўпэўніла нас у тым, што мы на правільным шляху ў барацьбе за бяспеку жыццядзейнасці нашага падрастаючага пакалення.



Добавить комментарий

Ваш e-mail не будет опубликован. Обязательные поля помечены *