Вучні Зашырскай школы разам са сваімі педагогамі ў рамках акцыі «Чысты двор» і «Зробім свет вакол чысцейшым» пастаянна сочаць за чысцінёй і парадкам не толькі на тэрыторыі школы, але і ўсяго аграгарадка.
Восень зачароўвае сваёй прыгажосцю і каляровасцю. Дрэвы стаяць у яркім жоўта-чырвоным убранні, аж, здаецца, зіхацяць на сонечным святле. Але ў хуткім часе зачараванне лістотай праходзіць, а лістота застаецца на вуліцах і дарогах. Вось зашырскія школьнікі і прыбіраюць яе ў школьным двары, а таксама на вуліцах населенага пункта.
– Зараз стаіць выдатнае надвор’е, – гаворыць дырэктар Зашырскай школы Таццяна Талалаенка, – таму нашы старшакласнікі штодзень выхо-дзяць на вуліцы пасёлка і зграбаюць лісце. А вучні малодшых класаў прыбіраюць тэрыторыю вакол школы.
Зашырскія школьнікі імкнуцца зрабіць свет вакол сябе чысцейшым не толькі ў межах дзеючых акцый. Яны пастаянна сочаць за парадкам на сваёй школьнай «планеце» і там, дзе жывуць. Чым не добры прыклад?!
Ганна Гаўрылава
