Напярэдадні свята Дня народнага адзінства ва ўстанове адукацыі «Сярэдняя школа № 1 г. Ельска» адбылася сустрэча вучняў 6″А» і 6 «Б» класаў са знакамітымі людзьмі нашага краю Рыгорам Бабчанком і Якавам Ліпскім.
Рыгор Бабчанок расказаў вучням цікавыя старонкі сваёй біяграфіі, а таксама раскрыў тэматыку вершаў у сваіх кнігах паэзіі «Асалода», «Вяршыня», «Вышыня».
Якаў Ліпскі дзяліўся вопытам выхавання дзяцей, дэманстраваліся яго кнігі «Шлях да сябе» і «Права на жыццё». Госці і вучні чыталі вершы Рыгора Бабчанка пра родны край, землякоў, родную мову.
